هوه علشان أنا ست في مجتمع ذكوري بحت يحق لأي حد محاولة استغلالي
أو يضحك عليا
بياع، سواق تاكسي، عميل
هوه علشان أنا بنت حكش من أي حد يعلي صوته شوية يعني
خدوهم بالصوت ليغلبوكم
هوه علشان أنا بنت لازم أفقد صفات الرقة والأنوثة
علشان أرد وأدافع عن نفسي
هوه علشان أنا بنت لازم استنى اللي يحميني ويدافع عني
هوه علشان أنا بنت لازم اعتمد على رجل سواء أب أو أخ أو قريب أو زوج
هوه عشان أنا بنت مسموح لأي حد يزاحم ويخليني اتحرج وأوسع في طابور التذاكر مثلاً
هوه علشان أنا بنت مستقلة وعمري ما حسست حد إني عبء وبعرف أتصرف في أمور كثيرة (طبعًا مش كل حاجة) ممكن أتحب، لكن لما نيجي للجواز تظهر الإمارة وأني لازم اتبع فلان علشان ده الزوج والمفروض ألغي عقلي يأما ماتجوزش أحسن
هوه علشان أنا بنت لازم علشان أحج أو أعمل عمرة يكون معايا محرم
رغم إن الشرع بيسمح لي بالسفر طالما في صحبة آمنة
هوه علشان أنا بنت لما أسوق في الشارع وأرتكب خطأ يبقى علشان إحنا ستات ما بنعرفش نسوق ولو كان راجل بيقى معلش أهي غلطة
حد يجاوبني هل العالم هوه اللي غلط ولا أنا اللي مش طبيعية؟
No comments:
Post a Comment